BE.149 Logu no.182
HO TONGTONG IHUTHONONKU

Ayat 1
Ho tongtong ihuthononku Jesus Sipangolu au
Tung na so tadingkononku Ho, na paluahon au
Sian sasude dosangku Dohot sian uhum i
Na tongtong habiaranku Ala pardosaonki.

Ayat 2
Tung di dia jumpang ahu Tuhan sada songon Ho
Na manogunogu ahu Tu na sonang songon Ho ?
Naung ditaon Ho hamatean Lao humophop tondingki
Asa masuk au manean Tohap na sumurng i.


Ayat 3
Manang aha pe na masa Las ni roha arsak pe
Tioponku Ho na basa Na marholong roha pe
Tung saleleng au mangolu Nang dung suda bohalhon
Ingkon Ho, o Sipangolu Pujionku sai tongtong

Ayat 4
Sai ingani ma rohangku Jesus dohot TondiMi
Ro di ujung ni langkangku Togu au o Tuhanki
Di na tos muse hosangku Di na homur matangki
Sai tiopi ma tanganku Togu au tu lambungMi.
